小紀週末出走之旅 @ 哥本哈根 2D 1N

20160130-20160131 小紀週末出走之旅 @ 哥本哈根 2D 1N


終於有個周末響屋企喇喂！！！
聽日一定要訓到自然醒！！！

時光倒流返去一月@@
哩篇係復活節前開始寫，成個月後既今日終於完成喇！！！！
當時仲以這自己可以復活節前補哂所有Day Trips同Weekend Trips……
然後可以開始寫大長篇喇。呵呵……真係好天真好傻。

事先講明，以下落黎似憤怒日記多過係快樂遊記
其實我成日都覺得自己是個幸運兒……
-6既事情同傳奇既情節經常都會發生響我身上咖。
不過幸運兒都有黑仔既時候……例如在哥本哈根既哩兩日……


第二次飛Luton，試新路線，轉車點捨近（Blackfriars）取遠（West Hampstead）。
可以見到當時個天仲未光，當然應該係六點半左右。
冬天日照時間真係太少了！！！！！！！！！！！！！！！！！！！


唔知係咪同Luton有十怨九仇，我又再次做左傻豬仔了。
（按此重溫傻豬仔事件簿Volume 1)

話說West Hampstead火車站可以用Oyster Card入閘，
咁附近又見唔到Ticket Machine / Ticket Office……
時間關係我當然順手拍一拍咭就衝去月臺上車啦！
今次架車就好凖時呀！不過我出唔到閘呢……
原來呀Luton係超出左Oyster Card使用範圍（Zone 1-9），然後佢當我無買飛罰。錢。囉！
單程£24！！！！！！！！！！！！！！！！！！！！！！！！！！！！！！！！！！！！
錢銀事少，啖氣事大。
明明我係良好市民合情合理合法地入閘，點能夠屈我無買飛而罰錢呢？？？？？？？？
最激心就係佢張收據又真係有哩個罰款原因（Use of Oyster Card ）-_- 頂！真係無言！

（事隔三個月，宜家講起都仲係火燒心！！！！！！！！）


難得早到，去到仲未公佈Gate number~~


食個早餐下火。


£4.95 Bacon Bagel + Coffee，都算合理啦。不過Bacan乾爭爭……


第一次搭Ryanair，有點小Delay。
真係唔知原來Ryanair規定Non-EU Passport人士要去Check-in counter visa check……

因為行李全部Hand carry，事前又已預先Check-in，所以黎到機場就直接過Custom。
不過好彩佢都無為難我，如果唔係我可能會學大媽咁響機場典地啦！哈哈哈！

（唉。唔知做乜鬼今日諸事不順。）


無天橋行是常識吧。


時間+1，11點半左右終於都到達Copenhagen。


Hej！


禁左DKK 500，夠唔夠洗呢？（仲洗問，梗係唔夠啦。）

全世界最快樂的國度，係真唔係呢？我淨係知我宜家就唔係好快樂囉。


心情都仲未平伏，又出事。我手上張DKK 500買唔到飛。試左好多部都唔得。


唉，最後排Counter。Day Pass DKK 80。
雖然Copenhagen好細，好多地方都可以行到去。
有興緻既又可以踩單車~~ ！不過我覺得買定都穩陣，反正唔算貴。


其實我未睇真架車去邊就跳左上車，勁驚搭錯車。不過有驚無險，出到黎中央車站。


今次住哩間Urban House Copenhagen，好近中央車站。係好有個性既Hostel。


佢無Reception，得樓下酒吧有Staff。


無門咭，密碼事先sms / email比你。不過，個密碼3 PM先用到。
如果想放底行李，你可以幫襯佢個Locker。DKK 5 / hour，DKK 50/day。
我見行李唔多，所以無放底。之後有點後悔。


出街走走。經過賣小品既舖頭，見到聖誕裝飾On Sale！！！！！
心心DKK 79，樹樹DKK 29。慳家既小朋友（即係我）淨係買左聖誕樹～～


又經過中央車站。天氣同心情一樣，都係灰暗的。（哈哈）


不知不覺行到去City Hall。


經過見到好似好正。


揀左曲奇味，淋淋地，一般。


成哥生意遍佈全球。





沿住大街Stroget一直行一直行。





好快就黎到哩個Copenhagen著名遊客區Nyhavn。即係新港咁解。又真係幾靚既～～～


不過無藍天白雲就好似欠缺些什麼。（舊雲仲要黑到咁想點-.-）


百事廣告好型！



行左一個圈Nyhavn，就出發去下一站，——
Rosenborg Castle Gardens (Kongens Have) & Rosenborg Castle (Rosenborg Slot)。
都係行過去的。






無入去參觀啊，因為去到已經關門嚕。
係幾靚既～～～不過都係果句，無藍天白雲感覺差好遠T_T。


趁未天黑諗住去Little Mermaid，比較遠，要搭車了。
由Nørreport搭到去Østerport。搭C線。落車再要行一段路。



去到差唔多日落，哩個時候個天係最靚的～～Magic Moment！


沿住哩個星形公園Kastellet向北行十五分鐘左右就到咖喇。



沿途經過哩排屋，好靚！


只係見到美人魚既展影，黑到眼耳口鼻都見唔到。
話說原來哩個美人魚係嘉士伯個始創人既爸爸Carl Jacobsen揾人整的。
事關佢好鐘意睇Little Mermaid Ballet Show咁話喎。＠＠
　
但哩個美人魚像並唔係Little Mermaid Ballet Show既女主角，
反而係個雕塑家Edvard Eriksen既老婆Eline Eriksen。
因為女主角拒絕做祼模@@


美人魚後面係三支煙通，一下錯覺以為自己見到南丫島@@


之後搭返巴士返Hostel，休息一下先食晚飯。


經過超級市場，求證左丹麥係真係有藍罐曲奇咖！！！！！！



Yelp左一間今日無位，聽日五點半有位，可以上機前去食。
由於今日都無食過proper既lunch，宜家成八點，好肚餓！！！！
唔諗喇，唯有響中央車站附近求其揾野食啦！揾到哩間Plaza Grill~~



嗌左個魚，一般喇。


之後返左Hostel樓下飲野。


Pineapple Cider，好味喎！哩度真係酒平過水……


話說我已經好耐七年無住過Dorm！！！！！！！！！！！！
忍唔住自拍記念一番~~~


之後又發生嬲豬事件……
話說我用開既係Global converter，即係去到邊度都用的萬能插。
好多年前購於美國，一直都相安無事相當満意。
但由於歐洲好多插頭都係凹入去的，我果個萬能插配合唔到個凹位——
頭重腳輕經常鬆脫，而且仲時而露出火光！好得人驚！！！！！！
然後我成晚都差唔到電，不論係我本人定我身上的全部電子用品。真係好慘呀我。

（回程時響機場即刻買左個岩咀型既萬能插，激氣呀！）


第朝起身，拿拿林去食個靚早餐兼叉電。


尋晚揾定左哩間Andersen Bakery。


樣樣都想食，眼闊肚窄，嗌咁多做乜……食完飽到癲。


食完襯Day Pass未過期，把握時間！叉唔到幾多電，要去等巴士。
（不過上錯車……差D去左機場@@ 到底我想點。）


落車地點係類似後門@@ 通過哩個門口~~


TA-DA- 見到Christiansborg Palace~~ 講真雖然真係好宏偉，
但在英國見得太多城堡了……開始有點無感@@


所以到此一遊我又去左等巴士喇~~~


童話屋反而百看不厭。





去左另一個港口Christianshavn。哩度比Nyhavn少人，亦無咁commercial~~ 舒服D。


之後見天氣好左少少，又返去Nyhavn，打算補影幾張。





輕微有少少藍天，好過無~~


仲參加左Boat  Trip ! 因為我見都幾抵，DKK 40。雖然凍到癲，但真係幾靚既。
無乜點影相，因為相機無乜電。="=




其實哥本哈根真係好細，又經過美人魚果邊。今次睇背脊@@


上岸後行返出大街果邊，經過哩個叔叔彈琴勁好聽！！！


雖然仲有一個鐘就食晚飯（尋日預約左）……
不過由於又凍又無電，都無謂響條街行黎行去，所以我決定揾間Cafe避寒兼抖抖。



Cafe Paludan，入面勁勁勁多書。下次再黎一定要慢慢坐慢慢睇。


本身諗住飲杯野就算，但見到個奄列實在太吸引了！！！！！！
唔小心嗌左~~~正~~~ 飽到癲。


Cafe坐到差唔多時間就過去食晚餐～～～Host——尋晚來到無位，Book定今日食。
（本來都無咁想食，但佢話無位我就即刻好想食！！！！！！！）


Early Dinner無咩人，但無幾耐就満座了。


係米豬蓮推介咖。


哩個好味！！上面有少少肉碎，下面有塊脆脆。


牛他他。話說係我第一次食生牛肉！！！都唔錯喎！


哩個牛油好味，但個包略嫌太硬太乾~~ 重點係：以上三個都係送的！！！！！


主菜係牛仔肉，嫩滑好味~~個汁無敵！！
不過就嫌上面塊脆脆狀物體唔夠脆，雖然我都唔係好知佢係咪應該係脆的……HAHAHAHA


哩杯係……果汁黎既~~

埋單都係DKK 270，即係HKD 300。講真又唔算貴喎！
送左咁多前菜，味道又幾好~~
我食到咁飽先黎都覺得好味都算係咁啦！

Service又好好，每道菜都會詳細解釋係咩黎同點整。
（雖然我已經唔記得哂。）

如果再黎Copenhagen，絕對會再幫襯~~推介推介！！！


食完就返Hostel拎行李喇。要去機場嚕~~
唔知點解今日無火車去機場囉！！！！！！要搭巴士！！！！！！！！！！
等我仲坐定粒六……時間較到勁吻水……真係勁緊張呀……
又唔知個巴士站響邊喎@@
又買唔到車飛喎@@

好彩最後有驚無險~~ 我哩D，大事行運，小事黑仔，感恩感恩。


不過去到機場又係勁Delay，仲要無講定邊個Gate……唯有買返杯果汁叉下電上下網。


Duty free未關門，我唔小心買左盒粉底HAHAHAHAHAHAHHA


Gate F勁遠。結果又搞到三點幾先返到屋企……聽日仲要返工……zZzZ