2016-04-19
|||小紀英倫工作日誌 ||| 半周年小記
|||小紀英倫工作日誌 ||| 半周年小記
好耐無蒲頭@@
不知不覺又係時候寫小記。
原來已經來到半年了!!
乜時間過得咁快既……
哩兩個月好忙,真係好忙。
去左一個復活Trip,四個Weekend Trips@@
仲以為復活節前可以清哂短篇,
點知開左頭成個月都未寫完。
咁搞法係咪無可能追到進度???????
今個星期唔去街喇我!!!!!!!(……聽住先)
公司方面亦持續好多野做……
好多projectsss同步,真係唔知做得邊樣好。
希望忙埋今個星期會好返少少。
家務方面其實我已經無做到。
屋企就黎亂到一個容忍唔到既地步……
買左個鞋櫃幾個月都未砌喎……
又好耐無吸塵,又好耐無抹枱,又好少煮飯。
身形方面有顯著增長……
我阿媽隔住個Web cam都留意到!!!!!
媽:你係咪肥左?
紀:er…… 少少啦……(逃避中)
媽:你好似真係肥左喎!(再重申)
紀:哈哈哈……(諗住HEA)
媽:咁你重左幾多磅丫?(唔罷休)
紀:唔知喎……(講大話)
媽:你屋企無磅咩?(明知有)
紀:有既……(唔想知)
媽:咁你重左幾多磅丫?(仲追問)
紀:少少咋嘛……
嗚嗚嗚!!!我唔想講哩個話題!!!!!!!!!!
話說三月尾開始轉返summer time,
快左一個鐘,宜家放工個天仲未黑得哂,真係有種説不出的感動!
宜家天氣涼涼爽爽唔太凍(~10度 HAHAHA)好舒服!
最緊要就係著衫多左好多款可以揀,唔洗著黎著去果兩件大褸~~
近來倫敦櫻花盛開,有機會就寫篇合輯啦!(……都係聽住先)
訂閱:
張貼留言 (Atom)
weekend留返半日執下屋囉^^
回覆刪除間中upload啲短trip相來睇下
通常weekend都去左兩日一夜trip@@
刪除今個weekend有朋友黎都係時候要執下喇……
短trip又想寫遊記喎,upload完一兩張又會好唔想寫@@
今個星期完成埋寫到一半果篇先~~~