2017-04-20
小紀週末出走之旅@ 漢堡2D 1N
20161126-27 漢堡Day 2
終於寫Day 2,都係轉返正常打字模式 。
如果唔係有排都無得出,哈哈哈!!
真係唔鐘意有頭無尾既感覺……
話說近排得閒返D(定還是係已無心戀戰),
所以黎梗希望可以寫返密D~~
* * *
第二日,其實行程非常簡單,唔知點解要隔咁耐先寫,哈哈。
天未光就出發去年魚市場~~~
老實講因為近年去旅行前已無做功課既習慣,
所以我事前完全唔知個魚市場既咩樣既。
又因為今次係搭的士既關係,
所以我完全唔知哩個地方點去,哇哈哈。
每次四個人去旅行就會瘋狂搭的士。
原來係露天咖!!!!!!!
聽講哩度相當出名,但比我想像中細~~但真係好多人!
賣海鮮的、賣蔬果的、賣咖啡的。
哩度好興蔬果籃,連環保袋都唔洗拎!
買左一客炸魚,都幾好味。仲有咖啡~~(因為天氣凍。)
我自從尋日食完豬手開始已食滯左,成個旅程都無咩胃口無咩食神。
魚市場內仲有一個室內既表演場館,不過我地都無久留。
因為今日太早起身,天氣又真係好凍,所以之後大家一致認同返酒店抖抖。
哈哈哈哈哈……懶人四枚。
日本友人返到去就立即飛撲埋張床度訓左,
而我就同馬來西亞友人同另一香港友人響度傾下計。
直到午飯時間又去左Christmas Market(因為Christmas Market好近酒店。)
日頭既Christmas Market都好多人!
友人們既餐單……又係德國大肉腸,我見到都覺得滯……
之後又行下市政廳咁啦。
響附近行多陣就起程去機場嚕!
今次完全唔似去旅行,反而似平時一個普通既Weekend。哈哈!
~完~
訂閱:
張貼留言 (Atom)
個蔬菜籃係咪之後要還返畀佢定點?
回覆刪除我見好多人都拎住,我諗係送咖呢~~
刪除