2017-04-23
|||小紀英倫玩樂日誌||| 尋找櫻花的故事
20170409/21 尋找櫻花的故事
最近天氣回暖,日照開始長返。
再加上買左新相機,最近經常早放工去玩……
唔好話比我老細知,哈哈!
由於仲係試機階段,未玩得好熟所以只係亂咁影~~
入正題喇~ 話說上年黎左個《尋找櫻花的故事》。
特登去左好多公園諗住賞櫻但都唔係好成功。
London係就係有好多櫻花,
但大部份都係分得好散,
完全唔係日本經常見到果種feel!
唔知係我黑仔定點啦,
有時無意中行過D住宅區仲靚呀。
真係可遇不可求……
2016
@Princess Gardens
有日行完山去買刺身時路過見到的,
就係見到哩個畫面令我有尋找櫻花哩個念頭。
@Regent’s Park
屢敗屢戰。屢戰屢敗。屢敗屢戰。屢戰屢敗。屢敗屢戰。屢戰屢敗。
哩條路我諗等多幾十年就會變靚喇,哈哈!
不得不提就係哩條路每棵櫻花都有贊助人咖~
@Greenwich Park
結果揾左個幾月,直到季尾我先發現哩度!!!!!
遠睇都仲幾靚,近睇就見到謝哂皮了,唯有明天請早。
以上係我上年睇過算係靚既~
另外我仲去左Green Park,St. James Park,Hyde Park等等等等。
好喇!!!!!吸取上年經驗,我今年鎖定了Greenwich Park。
20170409
今日天氣和暖,難得四月已經有二十度,個個走哂出來曬太陽野餐。
可能因為London無沙灘啦,哩度D人興響公園曬太陽著Bikini……
我同朋友都帶左好多零食黎野餐,之後我仲攤響草地上訓左個幾鐘晏覺添~ 好舒服呀!
(我黎左十八個月練成了何時何地都能入睡既絕技,哈哈~ 細菌?咩黎?)
心形~哈哈!
20170421
事隔十多日再去, 櫻花已飄落滿地。
都靚既,不過完全係另一種feel~
然後話說有日放工又去左餵松鼠。(餵松鼠係我春季最喜歡做既活動!!)
平時都係餵完先再諗自己食乜,哩日買定壽司坐響櫻花樹下食,正。
最後送上滿足的松鼠一枚。
哩個得逞的笑容!!!!!真係療癒到令人每日都想去餵啊!!!!!
訂閱:
張貼留言 (Atom)
滿地櫻花瓣好美
回覆刪除通常帶咩畀松鼠食?
現在應該已經變哂綠色了。
回覆刪除我通常會帶花生,都有試過帶栗子。☺️
英倫秋色又是另一番美景^^
回覆刪除