2016-02-20

|||小紀英倫工作日誌 ||| 四個月小記


|||小紀英倫工作日誌 ||| 四個月小記​

《轉台》
我作為一個港女,為表示支持廣東話,我決定以後轉返廣東話CHANNEL~
廣東話,繁體字,都係香港核心價值,無可取替的!
雖然我宜家離鄉別井飄洋過海,但係我發夢都仲係講廣東話咖啵~

《生活》
我呢,十月過來,十一月正式返工,十二月已經印印腳等放假……
岩岩返工就有本書要趕住出,加上初來報到好多新野要認識要習慣要適應,
所以,一開波都忙左陣既。
但係隨著聖誕臨近,上至老闆下至打雜都漸漸變得無心戀戰……
個個額頭都寫住【唔想撈】哩三個字,又或者【HEA】哩三隻字母。
我份人適應咁強,加上交完功課,梗係好融入到哩個氣氛啦!哈哈哈
不過正所謂出得來行預左要還,近排開始真係忙到有氣無訂抖。
返工忙,放假就更加忙!!
之前連續兩個週末都去了小旅行,
爽得來又好攰,攰得來又好爽。
不過早出晚歸舟車勞頓動……
(加上廉航周不時DELAY就係常識黎咖喇)
於是我頂唔住又再病倒了。
來到四個月就已經病左兩次,
平時響香港一年都病唔到一次咖嘛!
不過我都係呻下者……
就算病到點我都係要自己照顧自己咖喇……嗚嗚……
話說睡眠真係治病既良藥,
上次同今次,我都係訓左一整日就好返了~
不知不覺黎左四個月了,
一切開始回復正常。

我聽日要去行山!!!訓覺嚕~

2 則留言:

  1. 無錯! 你見我都一直都堅持用廣東話或正體字打遊記,只不過現在有香女執我篇文會靚仔D啫~
    有時真係唔明,有D深黃嘅朋友或報章,成日講到自己幾咁有獨立思考,又憎恨big6,近來又成日反簡體字反普通話,但自己又經常用大陸用語,如"渣馬"、"里奧"、"手遊"等等等,真係睇到火滾! 如佢地唔係成鬧都無咁嬲,講到自己幾咁有崇高理想,殊不知被侵蝕緊都唔知⋯ 香港人真無藥可救
    係呀! 傷風感冒要多休息,靠自己打贏佢下次先有強D嘅抵抗力架!

    回覆刪除
    回覆
    1. 係喎!仲有其實有好多人都成日貪快寫簡體字,真係無眼睇。我真係由細到大都好憎... 就算幾多筆劃,我一隻字都唔會寫簡體,因為我真心覺得真係好核突,甩皮甩骨咁囉。

      刪除