20160122 小紀遊走記憶之旅 @ 蘇黎世
HAPPY FRIDAY,來個週末小旅行。╮(╯▽╰)╭
其實今次最終既目的地係有骨的魚腩——列支敦士登(Liechtenstein)。
不過果度無自己既機場,由英國過去的話,就先要飛去相連既瑞士同奧地利,然後再轉火車同巴士。
最近既機場響Zurich,加上同行朋友小均響瑞士做野,於是我地就約定星期五晚,響Zurich等。
我唔想太趕,請左一日假,自己去Zurich行陣先,小均放工再用自己方法黎會合我。
London有好多個機場,Heathrow同Gatwick就最常用啦,廉航就通常飛Luton同Stansted,
唔好忘記仲有貴貴的City Airport。同埋唔講未去過既既Southend。
第一次飛Luton……搭地鐵去Blackfriars轉搭火車。
唔記得咩原因無上網買定火車飛,結果為左買飛,搞到我上唔到十一點鐘班火車……
仲要買錯左來回(無睇清楚原來我回程係飛Gatwick),真係傻豬仔。
下一班火車仲要Delay ……好緊張,我會唔會上唔到飛機?!?!?!
(遊記去到哩度——The End<( ̄oo, ̄)/ Bye~)
架車一個人都無。
車程半個鐘多D,去到了Luton Airport Parkway……
點知仲要轉巴士!!!!!!!!!!!!!!!!!!!!!!(人都癲)
有驚無險,關閘前十二點半去到!!!!!!!!!!!!!!!!!
一點鐘機,十點鬆出門口,點解最後都係敵不過要跑步既命運……
冒蓍冷冷雨上機。(心裡不斷催眠自己:搭廉航唔好要求咁多……搭廉航唔好要求咁多……X999)
飛機有點Delay,時差一小時,最後去到過埋境都已經四點…………………………………………
說好的自己一個行陣先,就真係行個圈咁囉。
2012年已經黎過瑞士十日,雖然好鐘意哩度,但又無諗過咁快會再踏足哩片土地。
今次舊地重遊,憑蓍記憶走,所有畫面都仲瀝瀝在目如像昨天,甚有景物依舊人物全非既感覺。
然後再驚歎,嘩,乜時間過得咁快。係囉,咁又三年幾喇喎!
機場出市區火車比記憶中貴,CHF6.6……我記得十幾分鐘車程咖咋喎?!?!
可能上次買左Swiss Pass,無限任搭,所以無咩印象要幾錢。
瑞士火車最好就係凖時,放一百萬個心。
轉眼就出到市區喇~~
熟悉的火車站,還是老樣子。
十點鐘食完早餐出門口後直到宜家四點半都無食過野,餓到落車即刻響車站買左個Pretzel。
幾過癮的,Pretzel切開,中間夾住好多Ham,好似三文治咁款。不過唔好食,凍而且乾,仲好貴。
點解我買果時腦海幻想佢係熱辣辣香噴噴……唔通我餓到有幻覺?
出發~~一路行一路食。有點凍,不過天色好好~~
黃昏景真係無敵…… Magic Moment!
雖然時間唔多,不過行程完全唔趕。(因為根本無計畫過行程HAHAHAHAHAHA)
連栗子檔都仲一模一樣。
我哩個澱粉質既好朋友,每次經過都要幫襯下。
由火車站黎到Lindenhof,半小時腳程。(以我烏龜般既速度)
以上相片並無經過處理,我真係由天光坐到天黑。
話說我仲帶埋源吉兆庵叮噹餅黎食!!!!!!哇哈哈哈哈哈哈哈哈哈哈哈
(唱:若你喜歡怪人~~~其實我很美~~~)
仲有一set……個月亮好低,好圓,好靚。
題外話:好鐘意自己今日既造型HAHAHAHAHAHA (哩個人到底想點)洗水牛仔褲,勁鐘意!!
見天已黑,我就落山嚕。凍到雙手無哂感覺,入室內過下暖河。哩間玩具店上次都有行。
漫步街頭。
因為太凍,我又買左杯咖啡暖胃,不過比完錢已經凍哂。都係又貴又唔好飲的。
行行下,見到哩個畫面。
看到這個隨意的角落的當下,強烈的感應突然湧現,雙腳不由自主地向著某個方向走。
走到了三年前入住過的旅館,樓下是三年前光顧過的餐廳。
翻看舊照卻發現這條纜車軌在三年前根本未曾被拍攝下來。
是的,有時可能是看見某些熟悉的似曾相識的事物,有時可能只是靈光一閃沒有因由的,
就總是會有些片段零零碎碎的突然湧出來。
那些片段可能未曾用心記下過,更加未被想起過,在閃過的一剎那才發現,
原來某些畫面已悄悄地在腦袋裡佔了個位置。
記憶真是很奇怪,有些事情有些景物你以為自己已經徹底遺忘了,卻原來只是埋藏在內心深處。
感慨完,疾走返火車站。小均話八點幾到!
欏行李。(唔記得左講,一定要放底包袱先玩得輕鬆HEA得放鬆咖嘛!CHF 6,尚可接受。)
行下火車店D舖頭仔,睇下有咩好食。
我仲好飽,結果正餐就睇唔岩,買左少少朱古力同Macaroon(自用並非送禮)。
~~待續~~
沒有留言:
張貼留言