20160122 – 20160124 小紀探索小國之旅 @ 有骨的魚腩－列支敦士登
Day 2 Part II
上回講到我地去完城堡後，差不多日落時份就落山了。
其實有諗過睇埋日落，不過計過方位好似唔太岩。
又見到疑似國界，一致認為趁未天黑應該去睇睇！
下山路上遇見黑貓兒。
路上的Snaps…………
山澗流水好唯美。~\(≧▽≦)/~
令轉面望返上城堡，又暈一暈～～～（哩張宜家係我電話Background，日睇夜睇！）
另一角度，再配上夕陽既餘輝。
經過了牧場，頭先響山上見到的動物大遷徙，原來就係哩度！！
樣子可愛得來又十分傻仔。
離開時隻隻仲眼金金望住我地。
響牧場擾攘完一大餐後，同羊群揮手道別(?)過後，我地又繼續趕路喇。
行多十分鐘就到達了——Switzerland同Liechtenstein既邊境：分隔兩國既River Rhein。
全景圖，勁靚！
好鐘意天空既顏色
踩住國界又望下城堡。（見到嗎見到嗎？）
連接住Switzerland同Liechtenstein，最古老的有哩條木橋。（當然宜家仲有其他橋啦）
邊境木橋並無軍人駐守，只有一個警察騎馬巡邏，絕對可以自出自入。
入面燈光昏暗，要小心既係——地上有勁。多。馬。糞。唔系海膽，係真．大便。
過到去瑞士哩邊個天已經變黑，求其影左幾張相又行返過去Liechtenstein。
揾食。開頭入左間幾靚既餐廳，不過得返吸煙區有位，坐左兩分鐘都係頂唔住走人了。
過左隔離間酒店既餐廳，無咩人的，好彩終於唔係伏。
頭盤是送的，鴨肉，醬汁有少少果味～開胃，正啊！
主菜係牛仔肉配不知名意粉，哩個就正常，肉質同味道都唔差。
甜品有焦糖脆脆窩夫 ，超級好食（SHARE）
埋單CHF 115.1。即係差不多每人HKD 4XX！！！！（暈底）
食飽小均提議不如截的士返酒店，難得見到一架，可惜裡面空無一人。
路上車輛本身已經唔多，最後都係決定搭返巴士。
返到酒店。
早抖~~~
．．．．．
第三日太晏起身，無食早餐放底行李直接去食晏。
今朝無咁多雲，爭取時間把握最後機會欣賞酒店外既靚景。
等車中……
是日的第一站：Malbun——在山頂。上山要穿過哩條單線單程隧道。
（Triesenberg在半山，Vaduz在山腳。）
路經雪山上可愛的小屋。山上明顯多好多雪。
Malbun係當地著名既滑雪勝地，不過時間關係我地就無滑雪了。
酒店職員推近既餐廳，響另一間酒店，Hotel Turna。
Cafe Restaurant Sonnenterasse
即興的我們當然無訂枱，入到去開頭話無位。
本來都無話特別想食，聽到無位後即刻好想食！！！！！！！！！！！！！1
餐廳職員最後比我地真誠既目光感動到。
入到黎見到隔離枱人嗌哩個扒，超香，一於跟！！！
結果當然係好味啦～～～
因為今日星期日，半個鐘先一班巴士落山。
所以食完都無點HEA，渣渣淋追巴士，返酒店欏行李。
多謝小均響危急存亡之秋也既時候都肯陪我癲，早落一個站，影靚相！
三部唔同相機影的。
終於行返到平時落車既巴士站。
欏完行李落返去國家博物館，買Postcard、寫Postcard。
我寄左五張比自己，癲左！太靚了～～～忍唔到手～～～
然後再過隔離郵局寄Postcard。
下一站：Postmuseum，郵票博物館。
郵票收藏數量極多！！逐張睇絕對可睇足全日！！！而且有好多都好靚，例如哩張。
樓上有另一個展覽。未完成已開放比我地睇～～哈。
最後去埋隔離既Treasury。要用入場Coins！（不過入左落去無得欏返。）
裡面有好多價值連城既收藏品，D畫好靚，可惜唔比影相。
Vaduz市中心大街，理應係哩度最繁榮既街道，不過都係人煙稀少。
後會有期咯！等巴士時食埋前日響瑞士買既朱古力～～好味。
入面是咁的。
搭巴士返到瑞士邊境城市Sargans。
再轉火車返Zurich。
無響City Centre逗留，直接去機場。
一齊食埋晚餐後，我地就分道揚鑣了。
小均返Geneva，小紀返London！
Delay之達人不負眾望，飛機又Delay... 淩晨兩點幾先返到屋企。
第二日仲要返工，真係支力到飛起。
．．．．．
後記：
Liechtenstein，係個好寧靜舒服既小國。
風景優美，影到好多靚相。
路人唔多，但全部都相當友善。
雖然同事對佢評價唔高，
但我自己就相當喜歡哩度。
地方簡樸，加上唔多人可任意影相。岩哂我～～
不過呢，黎旅行就幾好，黎生活就唔好了……
因為哩度物價相！當！高！
岩岩到英國時覺得乜都好貴，
去完哩個旅行後發現原來英國D野都唔係咁貴咖咋喎！
亦好多謝同行友人小均陪我去哩個咁靚既地方！
我自身經驗，咁偏門既地方真係好難揾到旅朋友咖，
通常個個都係話去話去最後就無左件事……
（然後幾年後又會突然變成熱門這樣。）
所以好開心今次真係有人肯同我去！
～～完～～
沒有留言:
張貼留言