2016-03-14
小紀探索小國之旅 @ 有骨的魚腩-列支敦士登 Day 1-2
20160122 – 20160124 小紀探索小國之旅 @ 有骨的魚腩-列支敦士登
Day 1
夜晚八點半,小均終於都到達火車站。
黎唔切幫佢買晚餐,淨係買左朱古力同Macaroon……
所以佢要自己買沙律喇,哈哈。
我雖然唔肚餓,不過相當口渴,亦都買左野飲。
哩個牌子正野,出開Energy Drink。但我又無理由咁夜飲Energy Drink……所以就揀左Cola green。
題外話:對面個背囊響英國勁!多!人!用!
Luxemburgerli Macaroon回憶中既味道。(不過唔係回憶中既大小HAHAHA)
火車路線係:Zurich HB >> Buchs >> Sargans。(放大鏡先見到,唔好意思,太趕時間)
轉車真係好緊張,因為唔多時間,好驚錯過左有排等!
有驚無險到達瑞士邊境Sargans,立刻又響站外跳上巴士。
前住Liechtenstein首都Vaduz的No. 12~~
不過!!!我地搭車時竟然唔記得留意住條邊界!!!(我視之為重點行程之一HAHAHA)
過完境先至醒起……哩D咪:真。無證過關囉!
話說我地既歐洲人同事知道我地去Liechtenstein,
都不約而同地(⊙_⊙)???
異口同聲地:你去果度做乜?!?!?!
我同事就普遍有以下反應:
(1)下???果度無咩做咖喎……你去果度做乜呀?!?!?!(恥笑樣)
(2)下???果度避稅天堂黎咖喎……記住唔好開戶口呀!!!(都係恥笑樣)
(3)下???果度真係唔知點解會存在咖囉………………………!(仍然都係恥笑樣)
OK,個下字係我加,意思就絕對無添加。
似乎歐洲人對哩撻地方既印象唔係咁好呀下。
就算我點幫佢講好說話,都係無辦法幫佢洗底。
老外普遍都係唔鐘意去偏門地方……不過我鐘意。
我會諗到去Liechtenstein,唔多唔小都係因為大台節目勾起左我細個既片段。
話說細個幫人補習,補習社裡面掛左張好大張世界地圖。
有時班小朋友做梗功課時,我無聊時會擔天望地。
見到世界地圖有一點寫住——列支敦士登。
心諗:點解會有個地方改個咁怪既名咖?!
估唔到十年後既今日竟然會有機會踏足哩個怪名國家……感覺都幾得意。
而旅程入面都有幾個古怪騎呢位。我又覺得十分合乎我本人既角色設定。哈哈哈~
小均呢,就聲稱係因為我想黎所以佢至陪我黎咖咋!
係咩?咁偉大既咩?<( ̄︶ ̄)>
好。題外話似乎講得太多,繼續……
由於當時已經夜深,我地都打算返酒店先喇。
酒店位於半山Triesenberg,小均話可以行或者搭巴士……
咁唔洗問都知我地會搭巴士啦。夜晚晚。係咪先!
巴士上遇到好多年輕人,個個著到Halloween咁既樣,下?宜家一月咋喎。
然後,班年輕人響同一個站度落哂車。
我同小均都覺得好奇怪,心裡同口裡都係咁問點解既點解既點解既(中文)?
可能我地個樣實在迷茫,所以明明講中文都有路人搭訕……
路人:每年哩個時候班年輕人都會上山開Party~(←哩句真係可圈可點。)
佢地會著到鬼五馬六,玩通頂咖~~~嘉年華咁咖~~
我地:哦…………係咪有咩喜慶事呀?係咪記念咩咁呀?
路人:er……有既。但係我唔記得喇。Party都唔洗咩原因啦,總之有得玩。(……都岩……!)
不過最奇怪係我之後上網都查唔到係咩原因。好啦,可能真係無原因。
...
Google Map教我地響班年輕人落車後既下個站落車再轉21號巴士上酒店所在地Triesenberg。
等左一小陣,巴士來了。點知上車後又見返同一班年輕人!!!!!!!!!(⊙0⊙)
原來佢地上山開Party果座山,就係我地酒店果座山Triesenberg……
響巴士上班年輕人又聊我地傾計,問到Party原因,佢地更加唔知點解。
只能說年輕人真係太年輕了……………………
巴士走過無數迀迴曲折既山路後,到達左年輕人們既目的地。
當我幻想山上係有好多酒吧呀餐廳呀既時候,來到既竟然係一撻空地……………………
真係十萬個為什麼?!??!?!!??!?!?!
我地又再響佢地落車既下個站落車,此處了無人煙。
今日天朗氣清,咁黑都見到對面座雪山呢!現場睇好震撼,係影相無法記錄的美。
落車後轉返一兩個圈,好快就到酒店~~(右面白色建築物)
Hotel Oberland
Bergstrasse 25, 9497 Triesenberg, Liechtenstein
來到酒店冇人,即打緊急電話。
酒店職員黎到俾鎖匙我地,話:
You go to your room.
I go to bed.
We will finish the registration tomorrow.
(-"-)……下……hahaha……真係好隨性!
.....
Day 2 Part I
訓左一覺者,起身對面乜都唔見哂。
露臺望出去,仙景一樣!
酒店雖然包早餐,但我地十點幾先落到Lobby……早餐時段已過,職員們都已起筷。
不過佢地最後不敵我地既可憐失望樣,比我地食埋先。選擇唔多,好過無啦!
食完早餐,落去等巴士。
仲係好大霧。不過少有地覺得大霧得來都咁靚。哈哈哈。
比我發現路牌話行返落Vaduz要1Hr 40Mins……
((‵□′)) 嘩!好彩尋晚無比小均呃到行上黎咋!!!
21號巴士黎喇~~~
載住我地落山,去返首都Vaduz。
哩位就係Vaduz。
Nice to meet you, Vaduz!
Kathedrale St. Florin
影極都影唔哂全個。原來係Vaduz Cathedral,我覺得似City Hall果類多D~
今天的第一站:Liechtensteinisches Landesmuseum……
因為哩個國家整郵票實在太出名,所以就算佢另有郵票博物館,
國家博物館哩度都收藏左好多同郵票有關既展品。哩個真蹟真係好靚呢!
哩兩張又好搞笑,到底佢地做梗乜呢?
當然唔少得皇室全家幅啦!
最估唔到佢仲有成個展館係關於十二生肖!!(⊙o⊙)可能當時就來農曆新年?
我最鐘意的,植物標本。超靚!!!
排排坐的石。
排排企的鹿。
當然唔少得展示古代人生活既模型啦。不過哩度無英文,所以只可以估咯。
最後簽返個大名,到此一遊。好可惜見唔到博物館長……
身為遊客一定要去Tourist Centre……
做乜?梗係要蓋返個遊客印!話哂尋晚無證過關!
我識串!我識串!
之後又行下遊客必到既手信舖,胡桃夾子、谷古鐘。(☆_☆)大愛!影相當擁有。
之後求其揀左間餐廳,嗌左芝士火鍋。不過唔正宗又超油膩。睇黎我今個trip無乜食神,中伏率甚高。
Liechtenstein係歐羅同瑞士法郎通用。不過EUR CHF同價,無理由比EUR-_-
兩個人埋單CHF 57,又唔算好貴。(哩度物價黎講)
其實環境都唔錯,夏天來坐出面都應該舒服。
食飽。天氣漸漸變好,雲霧開始散去,藍天開始出現。我地亦出發去第二站:Vaduz Castle。
沿途風景靚到……我地約定夏天一定要再黎!
哩度不時出現向左走向右走既路牌。完美展現條條大路通羅馬既Concept!
我地以烏龜般既速度行上山,都只係用左半個鐘唔夠。
一路行一路拍片,睇返真係好無聊又勁搞笑。
城堡係Private,唔比遊人進入。
只能夠響外面周圍影相,不過都足以迷倒我地了。
風景如畫就係咁解……真係同畫無分別。影極都唔厭。o(∩_∩)o
忍唔住要加埋自己入去個構圖裡。
多謝小均將走灰諧路線的人影到咁唯美HAHAHAHA
真係超愛哩個景。
影左大約一千張相後,都係時候同太陽一齊同步落山了。
~~待續~~
訂閱:
張貼留言 (Atom)
天氣不錯喎....
回覆刪除植物標本和谷古鐘都靚呀
郵票 基爾至愛
刪除好彩下晝天氣好返咋!!
刪除我哥時都有去呀~因為我去瑞士順便去埋~~~~
回覆刪除因為我想睇下佢d郵票而去的~
當時仲寄左好幾張postcard俾自己~
噫噫噫你返左黎~~~~
刪除其實我都寄左五張postcard比自己……………………………………………………………………好癲XD
Macaroon, 港女至愛 XP
回覆刪除你呢篇同我印尼果篇形容D香港人一樣嘅,哈哈~
但我去D偏門地方又見到好多西人喎!
只能說天下港女一樣黑XDDDDDDD
刪除可能對佢地黎講地方近,抱既心情唔一樣,佢地都會去,但可能係去行個山或者滑個雪~~
覺得我地特登去好無謂掛…………HAHAHA
我想問由首都坐21號巴士去Triesenberg,需要差唔多一小時?
回覆刪除Vaduz去Triesenberg唔洗一小時,車程我諗半個鐘有找...!
刪除